Í kjarasamningunum milli aðildarsamtaka ASÍ og SA frá 5. maí sl. er kveðið á um sérstakt álag á desemberuppbót. Um það segir í kjarasamningunum: „Á árinu 2011 greiðist sérstakt álag á desemberuppbót, kr. 15.000, nema að ASÍ hafi ákveðið að samningarnir gildi til loka janúar 2012.“ Eins og þarna kemur fram á að greiða álagið á desemberuppbótina með desemberuppbótinni sjálfri þegar hún á að greiðast skv. viðeigandi kjarasamningum. Þetta er áréttað til þess að taka af allan vafa um greiðslufyrirkomulagið þ.e. álagið á ekki að greiða sérstaklega eða aðskilið frá umsaminni desemberuppbót.